Iðjuþjálfar fagna nýlegu áliti umboðsmanns Alþingis
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on email
Email

Iðjuþjálfar fagna nýlegu áliti umboðsmanns Alþingis

Þann 12. mars síðastliðinn var haldinn aðalfundur Iðjuþjálfafélags Íslands (IÞÍ).
Fundurinn samþykkti ályktun þar sem áliti umboðsmanns Alþingis varðandi hvað teljast nauðsynleg hjálpartæki fyrir fatlað fólk var fagnað:
„Aðalfundur IÞÍ 2021 fagnar sérstaklega nýlegu áliti umboðsmanns Alþingis um að túlkun úrskurðarnefndar velferðarmála á því að hjálpartæki sé ekki nauðsynlegt ef sjúkratryggð manneskja kemst af án þess, þrengi með fortakslausum hætti að þeim tilgangi og undirliggjandi réttindum sem lög nr. 112/2008 ná yfir.
Iðjuþjálfar hér á landi hafa árum saman barist fyrir því að fatlað fólk á öllum aldri fái sanngjarna styrki til að kaupa hjálpartæki sem efla iðju þess og þátttöku í samfélaginu, auka lífsgæði og bæta heilsu.
Álitið er afar þýðingarmikið í ljósi mannréttinda og þeirrar kröfu að allt fólk njóti jafnra tækifæra til iðju sem er því mikilvæg í daglegu lífi.“

Fundurinn vel sóttur
Aðalfundur iðjuþjálfa var rafrænn á Zoom og vel sóttur miðað við aðstæður. Hefðbundin aðalfundarstörf voru á dagskrá.
Kosið var í stjórn og nefndir auk þess sem ný heildarlög félagsins voru samþykkt. Nýju lögin fela í sér töluvert breytt skipulag á starfsemi félagsins.
Formaður IÞÍ er Þóra Leósdóttir og hefur hún gegnt formennsku síðan 2019.
Þóra var sjálfkjörin til næstu tveggja ára þar sem ekki barst mótframboð til embættisins.

Hægt er að finna greinina hér á bls 10